aNani 24:2
b15:8
c15:4,15, 34:3; 1 Lan 28:9; Jer 29:13; Mat 7:7
d12:5, 24:20; Dute 31:17; 1 Kho 18:18; Ezra 8:22
eHos 3:4
f17:8,9, 35:3; Levi 10:11
gDute 4:29
hHlu 5:6
iJosh 1:6,7,9
j2 Sam 17:2; Ezra 4:4
kGen 15:1; Hlab 62:12
l15:8
m1 Kho 15:12
n17:2, 19:4, 13:19
o8:12
p11:16, 16:1
qDute 16:9; Eks 12:18
r14:13,15
s29:10, 34:31; 2 Kho 23:3; Neh 10:29
tDute 13:9
u1 Lan 15:28; Hlab 98:6; Hos 5:8
v15:4,15, 34:3; 1 Lan 28:9; Jer 29:13; Mat 7:7
w15:4,15, 34:3; 1 Lan 28:9; Jer 29:13; Mat 7:7
x14:7, 20:30
y1 Kho 15:13-15
z30:14; 2 Kho 23:6,15
aa14:3,5

2 Chronicles 15

Imvuselelo kaAsa

1UMoya kaNkulunkulu a wasesehlela phezu kukaAzariya indodana kaOdedi b. 2Wasephuma ukuhlangabezana loAsa, wathi kuye: Ngilalela, Asa loJuda wonke loBhenjamini; iNkosi ilani liselayo. Uba-ke liyidinga, izafunyanwa yini c; kodwa uba liyilahla, izalilahla d. 3Okwensuku ezinengi uIsrayeli wayengelaye uNkulunkulu weqiniso e, njalo engelaye umpristi ofundisayo, njalo engelawo umlayo f. 4Kodwa ekubandezelweni kwakhe waphendukela eNkosini, uNkulunkulu kaIsrayeli, basebemdinga, wasefunyanwa yibo g. 5Langalezozikhathi kwakungelakuthula kophumayo lakongenayo, ngoba inhlupheko ezinengi zaziphezu kwabo bonke abakhi bamazwe h. 6Basebephahlazwa, isizwe ngesizwe, lomuzi ngomuzi, ngoba uNkulunkulu wabahlupha ngayo yonke imbandezelo. 7Ngakho lina qinani i, zingadangali izandla zenu j, ngoba kulomvuzo ngomsebenzi wenu k.

8Lapho uAsa esizwa lamazwi lesiprofetho sikaOdedi umprofethi, waziqinisa l, wasusa izinengiso elizweni lonke lakoJuda loBhenjamini m lemizini ayeyithumbile entabeni yakoEfrayimi n, wavuselela ilathi leNkosi elalingaphambi kwekhulusi leNkosi o. 9Wasebuthanisa wonke uJuda loBhenjamini labemzini labo ababevela koEfrayimi loManase lakoSimeyoni; ngoba bawelela kuye bevela koIsrayeli ngobunengi lapho bebona ukuthi iNkosi uNkulunkulu wakhe yayilaye p. 10Basebebuthana eJerusalema ngenyanga yesithathu ngomnyaka wetshumi lanhlanu wokubusa kukaAsa q. 11Basebehlabela iNkosi ngalolosuku okwempango ababeyilethile, inkabi ezingamakhulu ayisikhombisa lezimvu ezizinkulungwane eziyisikhombisa r. 12Basebengena esivumelwaneni sokudinga iNkosi, uNkulunkulu waboyise, ngenhliziyo yabo yonke langomphefumulo wabo wonke s. 13Njalo wonke ongadingi iNkosi uNkulunkulu kaIsrayeli uzabulawa, kusukela komncinyane kusiya komkhulu, kusukela kowesilisa kusiya kowesifazana t. 14Basebefunga eNkosini ngelizwi elikhulu langokumemeza langezimpondo langempondo zezinqama u. 15AbakoJuda bonke bathokoza-ke ngesifungo, ngoba babefungile ngenhliziyo yabo yonke, beyidingile ngaso sonke isifiso sabo v, yasifunyanwa yibo w; ngakho iNkosi yabaphumuza inhlangothi zonke x.

16Njalo mayelana loMahaka unina kaAsa inkosi, yamsusa ekubeni yindlovukazi, ngoba wayenzele isixuku into enengekayo y. UAsa wasegamula into yakhe enengekayo, wayichola, wayitshisela esifuleni iKidroni z. 17Kanti indawo eziphakemeyo kazisuswanga koIsrayeli; lanxa kunjalo inhliziyo kaAsa yayiphelele insuku zakhe zonke aa.

18Wasengenisa endlini kaNkulunkulu izinto ezingcwele zikayise, lezinto zakhe ezingcwele, isiliva legolide lezitsha. 19Kakusabanga khona impi kwaze kwaba ngumnyaka wamatshumi amathathu lanhlanu wokubusa kukaAsa.

Copyright information for Ndebele